Sunday, December 23, 2012

္ဒဂေါတမဗုဒ္ဓ လူပြည့်ကိုနောက်တခေါက်ကြွတော်မူခြင်း

စာချေတယောက် အရက်မူပြီးကေ လေးကွင်နင်းလို့ အိမ်ကိုပြန်လာရေ။ လူတိကိုလေ့ သူတော်မကျဲ မြင်နီရေ။ ပါးစကလေ့ ဆိုက်ကားတိုက်လတ်မေကြောက်လို့ သံဗုဒ္ဒေဂါဌာကို အခေါက်ခေါက်အခါခါ ရွတ်ဆိုပါလတ်တေ။

လမ်းခုလပ်မှာ သူတော်မနှစ်လုံး ဆန်ခံလာစွာတွိ့ရေ။ စာချေ သူတော်မနှစ်ယောက်ရှိက ဖြတ်ဆိန်းပြီးကေ ရပ်လိုက်ပြီးတေ။

``အို သီလသျှင်မရို့.... ငါဂေါတမဗုဒ္ဓတေ။ နှုတ်ကတိခံခရေအတိုင်း လူ့ပြည်ကိုနောက်ခေါက်ကြွလာရေ။ ဥချရှိခိုးတော်မူလော...`` ပြောလိုက်တေ။

သူတော်မနှစ်လုံးကလေ့ နှာခေါင်းပိတ်ပြီးကေ ``ဟုံး...နင်လား.. ဂေါတမဗုဒ္ဓ။ ငါရို့မယုံ..။ အရက်စိုနံရေနန့် ဖယ်..ဖယ်... လမ်းဖယ်..``

``ယော....၊ မယုံလား... သက်သီပြမေ...လာ....လာ....```

သီလသျှင်မနှစ်ယောက်ကို လက်ကိုဆွဲကိုင်ပြီးကေ အရက်ဆိုင်ထဲကို ခေါ်လားခရေ။ အရက်ဆိုင်ထဲကို ၀င်လိုက်စွာနန့် အရက်ရောင်းနီရေ ဆိုင်သျှင်မကြီးက

``အို....ဂေါတမဗုဒ္ဓ လာပြန်ယာလား သင် အရာတခေါက်..`` လို့ အံ့သြရေလီသံနန့် ပြောလိုက်တေ။

စာချေ သူတော်မနှစ်ယောက် ရပ်နီရေဖက်ကို လှည့်ကြည့်ပြီးကေ၊ ကြားလာ.. ကြားလာ.. ဆိုရေ ဟန်အမူအယာနန့် မျက်နှာချေကိုပြုံ့လို့ မျက်ခုံးချေကို ပင့်ပြလိုက်တေ..။

ခိုင်မြသိန်း (ချောင်းသာကြီး)
၂၃၊ ၁၂ ၂၀၁၂
Glada Hudik

No comments:

Post a Comment