Wednesday, January 7, 2015

လက်ညှိုးထောင်အာဏာသိမ်းဥက္ကဌ

စာချေတယောက် ရှက်ကြောက်တေမျက်နှာနန့် ကျောင်းကိုလမ်းလျှောက်လားနီရေ။ သူငယ်ချင်းတိက ခါတိုင်းထက် စာချေကို ကောင်းအလေးထားလာကတ်တေ ပုံပေါ်ရေ။ တလေးတစား ဆက်ဆံလာကတ်တေ။ ဖေါ်ဖေါ်ရွယ်ရွယ်၊ လိုလိုလားလား ဆက်ကတ်တေ။ မျက်နှာလိုမျက်နှာရ သူငယ်ချင်းတိလေ့ များလာရေ။ မိမ္မချေတိလေ့ အဌာပီးကတ်၊ မျက်စပစ်ကတ်၊ ကျာပစ်ကတ်နန့် စာချေတယောက် နီရထိုင်ရ ကောင်းခက်နီပျာ။ ယေလီ စာချေရှက်လာလီ။ ကိုယ့်ကိုသိက္ခာမဟိရေ လူတယောက်ပိုင် ထင်လာလီ...။

``အဝေး...စာချေ.....ကောင်းပျောက်တေကာ..မင်း..``` ကျောင်းတက်ဖက်သူငယ်ချင်းတယောက်က အော်လိုက်တေ။ ``ကျောင်းလေ့တက်ချင်စိတ် မဟိ၊ အပြင်လေ့ထွက်ချင်စိတ် မဟိ၊ ယင်းအတွက်နန့် အိမ်မှာကုတ်နီရေဝေ..``` ရှက်ကြောက်မျက်နှာနန့် ပြန်ဖြေလိုက်တေ။

``သံတွဲမှာလုပ်တေ ရခိုင်အမျိုးသားပါတီညီလာခံမှာ မင်းဖဥက္ကဌဖြစ်လားရေ။ ဖြစ်နိုင်ရေ၊ လုပ်နိုင်ရေအရည်ခြင်းလေ့ ဟိရေဝေ။ ငါရို့က ကောင်းဂုဏ်ယူရေဝေ..။ ရခိုင်တမျိုးသားလုံးဂေါင်းဆောင်ဝေ။ အေချင့်ထက် ဇာပိုင်ဂုဏ်စရာ ဟိခီဖို့သိမ့်လဲ။ မင်းဖစွာ အမျိုးသားဂေါင်းဆောင်ဝေ..။ ဂုဏ်ယူရေဝေ သူငယ်ချင်း။ မင်းနန့်သူငယ်ဖြစ်ရစွာကို ဂုဏ်ယူလို့မဆုံး..။ ငါရို့ကို မမိ့ကဲ့နန်း..။

ယေလီ စါချေ ရှက်လီ၊ သွီးပုတ်တိ မျက်နှာတက်လီ။ အေသူရို့ ငါကိုသရော်နီကတ်စွာလာ ထင်လီ..ဖြစ်နီရေ။

``အဝေး..သူငယ်ချင်း ရခိုင်ဘုရင့်နိုင်ငံတော်မှာ မဟာဿ      ဒရာဇာမင်းကို တိုင်သူပြည်သားတိက၊ နန်းတွင်းသူနန်းတွင်းသားတိက၊ မင်းမျိုးမင်းဆွေတိက၊ တတိသိပညာသျှင်တိက ရွီးကောက်ပွဲ့နန့် တိုင်ပြည်ကိုအုပ်ချုပ်ဖို့ မင်းမြှောက်ခရေ။````

``ငါရို့ဘာဘာပိုင် ဖင်ခြစ်လက်ညှိုးထောင်လို့ ငါဥက္ကဌလုပ်ဖို့ဆိုပြီးကေ အာဏာသိမ်းလို့ ရာထူးကိုရယူခစွာ မဟုတ်။ စိတ်ဓါတ်နိမ့်ကျညံ့ဖျင်းရေ ဗမာမြန်မာတိလက်အောက်မှာ ဟိနီသမျှကာလပါတ်လုံး သူရို့တိပိုင် ငါရို့ရခိုင်သားတိလေ့ ငါရို့ဘာဘာပိုင် ဖင်ခြစ်လက်ညှိုးထောင်ဥက္ကဌတိ အရာအများကြီးပေါ်လာဖို့စွာကို တွေးပြီးကေ ငါရှက်နီတေဝေး.....မောင်ကံကြီး....ငါရှက်တေ..။

ခိုင်မြသိန်း (ချောင်းသာကြီး)
၂၇၊ ၁၀၊ ၂၀၁၄
Glada Hudik

Saturday, January 12, 2013

အအီးပါတ်ကင်ဆာ

စာချေတယောက်အိမ်ထဲမှာနီရစွာ ပျင်းလွန်းလို့ အိမ်ရှိကခုန်တန်းချေမှာ ထိုင်နီ၏။ လမ်းလားလမ်းလာလူတိကို ကြည့်ပြီးကေ သူ့ကိုသူကြည်နုနီပုံပေါ်၏။ တနားလောက်အကြာမှာ စာချေဘကျီး (ဘကြီး) တယောက် ဇာကပြန်လာမှန်းမသိ၊ လမ်းလျှောက်ပြန်လာစွာကို စာချေလှမ်းမြင်လိုက်၏။ ဘကျီးကို အ၀ီးကပင်လှမ်းကြည့်နီယင်းပင်…အို…ငါရို့ဘကျီးလေ့ လွယ်စွာလူက မဟုတ်၊ ကောင်းလူခန့်ရာ မလား၊ ကောင်းလူကြီးလူကောင်းရာ လူရာမလား၊ ဗမာမြန်မာနိုင်ငံ ဒီမိုကရေစီနိုင်ငံရေးလောကမှာဆိုကေ ထိပ်တန်းဂေါင်းဆောင်တိ...။ စိုင်စားနီယင်းနန့်ပင် ဘကျီးက အနားကိုရောက်လာလတ်၏။ 

Sunday, December 30, 2012

မုတ်ဆိုးမဖြစ်ကျန်ခဖို့နှင့်ရာ

ရခိုင်နိုင်ငံတော်ကို ဗမာမြန်မာတိတက်သိမ်းလို့ ကျဆုံးလားရေရခိုင်သူ၊ ရခိုင်သားတိ၊ ရခိုင့်တော်လှန်ရေးအဆက်ဆက်မှာ အသက်စွန့်ကျဆုံးလားရေရခိုင့်သူရဲကောင်းတိကို ရည်စူးပြီးကေ ဘုန်ကြီးကျောင်းမှာ ဆွမ်းကျွေးအလှူဒါနလုပ်ဖို့ မွန်းတည်းဆွမ်းအတွက် ဆွမ်းအုပ်ကိုယ်စီနန့် စာချေရို့မိသားစု ဘုန်းကြီးကျောင်ကို ရောက်လာကြ၏။

Sunday, December 23, 2012

္ဒဂေါတမဗုဒ္ဓ လူပြည့်ကိုနောက်တခေါက်ကြွတော်မူခြင်း

စာချေတယောက် အရက်မူပြီးကေ လေးကွင်နင်းလို့ အိမ်ကိုပြန်လာရေ။ လူတိကိုလေ့ သူတော်မကျဲ မြင်နီရေ။ ပါးစကလေ့ ဆိုက်ကားတိုက်လတ်မေကြောက်လို့ သံဗုဒ္ဒေဂါဌာကို အခေါက်ခေါက်အခါခါ ရွတ်ဆိုပါလတ်တေ။

လမ်းခုလပ်မှာ သူတော်မနှစ်လုံး ဆန်ခံလာစွာတွိ့ရေ။ စာချေ သူတော်မနှစ်ယောက်ရှိက ဖြတ်ဆိန်းပြီးကေ ရပ်လိုက်ပြီးတေ။

Saturday, December 22, 2012

က္ကြာဝဠာဖြစ်ပေါ်လာပုံကို လက်တွိ့စမ်းသတ်ခြင်း

စာချေတယောက် ရွှီဂစ်ကန်ပိန်းစတင်လှုပ်ယှားမှုကိစ္စနန့် ဘင်္ဂလာကအပြန် ကာလာကတ္တားကို မ၀င်ခင် ၅ မိနစ်လောက်အလိုမှာ စီလာရေဘစကား ရပ်စစ်ဆေးခံလိုက်ရရေ..။ BSF (Border Security Force) စစ်သားတိနန့် ရဲသားတိလေ့ အများကြီး။ အရပ်ဝတ်နန့်လူတိလေ့ ၀ါးကီတွားကီတိကိုယ်စီနန့် တယောက်ကိုလေ့ အလွတ်မပီး စစ်ဆေးနီကတ်တေ။ စာချေနန့် သူငယ်ချင်းကိုတွိ့စွာနန့် ဘစကားထက်က ဒရွတ်တိုက်ဆွဲချလားခရေ။


Thursday, December 20, 2012

ကျရေနီရာက ထမ်းဆောင်မည်

စာချေတယောက် တိုင်ပြည်နန့်လူမျိုးအတွက် ကျရာတာဝန်ထမ်းဖို့ ယတိပြတ်ဆုံးဖြတ်လိုက်ပြီးကေ တော်လှန်းနီမြီးကိုရောက်ပါလတ်တေ။ စာချေကလေ့ သတန်းဆင်းခါစ စစ်တိုက်ဖို့ သွီးမြွနီရေချိန်။ တရက်တရက်ရောက်လာကေ ရှိတန်းထွက်ဖို့၊ စစ်တိုက်ဖို့ကျဲ တွေးနီရေ။ တရက်နိ မိုးထက်စောစော တပ်ကြပ်ကြီးက တပ်သားတိကို တန်းစီဖို့ ၀ီစီမှုတ်လိုက်တေ။ တက်ကြွရေ စာချေက အယင်းဆုံးတန်းစီလိုက်တေ။ စာချေစိတ်ထဲမှာ အေနိခါ ရှိတန်းထွက်ရဖို့ထင်ထားရေ။ တန်းစီနီရေ တပ်သားတိကို တပ်ကြပ်ကြီးက..

```ဗဟိုလ်ဌာနချုပ်မှာ ပါတီညီလာခံ ဟိရေ။ အနယ်နယ် အရပ်ရပ်က ပါတီကိုယ်စားလှယ်တိ လာကတ်ဖို့၊ ယင်းအတွက် ပါတီကိုယ်စာူလှယ် လူကြီးတိကို ဗဟိုလ်ဌာနချုပ်ကို လိုက်ပို့ရဖို့။ တိုင်ပြည်နန့်နန့်လူမျိုးအတွက် ကျရေနီရာက ကျရေတာဝန်ကို ထမ်းနိုင်ကတ်လာ…´´´ အာရင်းသံကြီးကြီးနန့် အော်မီးလိုက်တေ..။


Thursday, December 13, 2012