မုတ်ဆိုးမဖြစ်ကျန်ခဖို့နှင့်ရာ

ရခိုင်နိုင်ငံတော်ကို ဗမာမြန်မာတိတက်သိမ်းလို့ ကျဆုံးလားရေရခိုင်သူ၊ ရခိုင်သားတိ၊ ရခိုင့်တော်လှန်ရေးအဆက်ဆက်မှာ အသက်စွန့်ကျဆုံးလားရေရခိုင့်သူရဲကောင်းတိကို ရည်စူးပြီးကေ ဘုန်ကြီးကျောင်းမှာ ဆွမ်းကျွေးအလှူဒါနလုပ်ဖို့ မွန်းတည်းဆွမ်းအတွက် ဆွမ်းအုပ်ကိုယ်စီနန့် စာချေရို့မိသားစု ဘုန်းကြီးကျောင်ကို ရောက်လာကြ၏။

္ဒဂေါတမဗုဒ္ဓ လူပြည့်ကိုနောက်တခေါက်ကြွတော်မူခြင်း

စာချေတယောက် အရက်မူပြီးကေ လေးကွင်နင်းလို့ အိမ်ကိုပြန်လာရေ။ လူတိကိုလေ့ သူတော်မကျဲ မြင်နီရေ။ ပါးစကလေ့ ဆိုက်ကားတိုက်လတ်မေကြောက်လို့ သံဗုဒ္ဒေဂါဌာကို အခေါက်ခေါက်အခါခါ ရွတ်ဆိုပါလတ်တေ။

လမ်းခုလပ်မှာ သူတော်မနှစ်လုံး ဆန်ခံလာစွာတွိ့ရေ။ စာချေ သူတော်မနှစ်ယောက်ရှိက ဖြတ်ဆိန်းပြီးကေ ရပ်လိုက်ပြီးတေ။

က္ကြာဝဠာဖြစ်ပေါ်လာပုံကို လက်တွိ့စမ်းသတ်ခြင်း

စာချေတယောက် ရွှီဂစ်ကန်ပိန်းစတင်လှုပ်ယှားမှုကိစ္စနန့် ဘင်္ဂလာကအပြန် ကာလာကတ္တားကို မ၀င်ခင် ၅ မိနစ်လောက်အလိုမှာ စီလာရေဘစကား ရပ်စစ်ဆေးခံလိုက်ရရေ..။ BSF (Border Security Force) စစ်သားတိနန့် ရဲသားတိလေ့ အများကြီး။ အရပ်ဝတ်နန့်လူတိလေ့ ၀ါးကီတွားကီတိကိုယ်စီနန့် တယောက်ကိုလေ့ အလွတ်မပီး စစ်ဆေးနီကတ်တေ။ စာချေနန့် သူငယ်ချင်းကိုတွိ့စွာနန့် ဘစကားထက်က ဒရွတ်တိုက်ဆွဲချလားခရေ။

ကျရေနီရာက ထမ်းဆောင်မည်

စာချေတယောက် တိုင်ပြည်နန့်လူမျိုးအတွက် ကျရာတာဝန်ထမ်းဖို့ ယတိပြတ်ဆုံးဖြတ်လိုက်ပြီးကေ တော်လှန်းနီမြီးကိုရောက်ပါလတ်တေ။ စာချေကလေ့ သတန်းဆင်းခါစ စစ်တိုက်ဖို့ သွီးမြွနီရေချိန်။ တရက်တရက်ရောက်လာကေ ရှိတန်းထွက်ဖို့၊ စစ်တိုက်ဖို့ကျဲ တွေးနီရေ။ တရက်နိ မိုးထက်စောစော တပ်ကြပ်ကြီးက တပ်သားတိကို တန်းစီဖို့ ၀ီစီမှုတ်လိုက်တေ။ တက်ကြွရေ စာချေက အယင်းဆုံးတန်းစီလိုက်တေ။ စာချေစိတ်ထဲမှာ အေနိခါ ရှိတန်းထွက်ရဖို့ထင်ထားရေ။ တန်းစီနီရေ တပ်သားတိကို တပ်ကြပ်ကြီးက..

```ဗဟိုလ်ဌာနချုပ်မှာ ပါတီညီလာခံ ဟိရေ။ အနယ်နယ် အရပ်ရပ်က ပါတီကိုယ်စားလှယ်တိ လာကတ်ဖို့၊ ယင်းအတွက် ပါတီကိုယ်စာူလှယ် လူကြီးတိကို ဗဟိုလ်ဌာနချုပ်ကို လိုက်ပို့ရဖို့။ တိုင်ပြည်နန့်နန့်လူမျိုးအတွက် ကျရေနီရာက ကျရေတာဝန်ကို ထမ်းနိုင်ကတ်လာ…´´´ အာရင်းသံကြီးကြီးနန့် အော်မီးလိုက်တေ..။

စစစစစစစ

တိုင်းရင်းသားနိ့

စာချေတယောက် ညာဇာဖက်သား ပျင်းပျင်းရိရိနန့် အိမ်ရှိခန်းကို ထွက်ပါလတ်တေ..။ ဘာဘာက ရီဒီယိုဖွင့်လို့ ဘီဘီစီနားထောင်နီရေ…။ ဘာဘာပေါင်မှာ တက်ထိုင်လိုက်တေ။ ဘာဘာက ဘီဘီစီကို အာရုံစိုက်လို့နားထောင်နီရေ။ စာချေကိုလေ့ တိန်းနီဖို့ နှစ်ခမ်းထက်မှာ လက်ညှိုးတင်လို့ ပြလိုက်တေ။ စာချေက အဌာပေါက်တေ။ နားထောင်ယင်းနားထောင်ယင်းနန့် ဘာဘာနန့် အိမ်တာဗျူးလေ့ပါရေထော။

```ကျန်တော်တို့ ယခိုင်တိုင်းရင်းသားတွေဟာ တခြားလူမျိုးတွေထက် သမိုင်းအစဉ်လာကျီးပါတယ်။ ဒီလို ကျီးမားတဲ့သမိုင်တွေကိုထိမ်းသိမ်းဖို့ သမ္မတကျီးနန့်တကွ စစ်တပ်အပါအ၀င် ပါလီမာန်မှာ တင်ပျထားပါတယ်´´´´´

ဘာဘာမျက်နှာကို မော်ကြည့်ပြီးကေ အားပီးလက္မထောင်ပြလိုက်တေ။ ဘာဘာက စာချေဂေါင်းကိုပွတ်လို့ ဖက်ထားလိုက်တေ။

တလက္မလေ့လျှော့မပီး

စာချေတယောက်ကျောင်းဆင်းလို့ အိမ်အပြန်းလမ်းမှာ နိုင်ငံရေးပါတီတခုက မကြာခင်ကဖြစ်လားခရေ အဓိဂရုံးနန့်ပါတ်သက်လို့ နိုင်ငံရေးဟောပြောပွဲ့တခုလုပ်နီရေ နီရာကိုရောက်လားခရေ။ ဇာလဲကု လူအုပ်ထဲကို ၀င်ကြည့်လိုက်တေ။
စင်ထက်မှာရပ်လို့ စိတ်ပါလက်ပါ တရားဟောနီစွာလူက … အူး.. ဘာဘာရာမလား စိတ်ထဲမှာဂုဏ်ယူအနီထားနန့် အာရုံစိုက်နားထောင်လိုက်တေ။

```ရခိုင်ပြည်ကိုကျူးကျော်လာရေလူတိကို တလက္မလေ့လျှော့မပီး။ အမျိုး
သီလန

ှစ်ဌာနကို အသက်ပီးလို့ကာကွယ်လားဖို့..။ ရခိုင်မှန်ကေ အမျိုးစစ်တေ၊ ရခိုင်မှန်ကေ ဗုဒ္ဓဘာသာရာဖြစ်ရဖို့..။´´´´´